Երևանի Կենտրոն վարչական շրջանի նախկին ղեկավար Վիկտոր Մնացականյանը ֆեյսբուքյան իր էջում գրում է.
«Երևանը կանգնած է ոչ միայն պարզապես հասարակական տրանսպորտի հարցը լուծելու խնդրի առջև, այլև ամբողջ համակարգի արդիականացման մարտահրավերի առաջ։ Թեև մետրոյի նոր կայարանի կառուցումը կարող է ակնհայտ լուծում թվալ, բայց հարկատուների գումարները հեշտ ծախսելուց առաջ, արժի մի քիչ էլ ժամանակակից մոտեցումներ ունենալ:
Հեծանվուղերի, հետիոտնային գոտիների/մայթերի, տրամվայների կամ թեկուզ էլեկտրական ավտոբուսների համար ներդրումներ կատարելը կարող է ավելի կայուն և ծախսարդյունավետ լինել մեր քաղաքի համար: Միջազգային մասնագետների հետ քննարկումներն էլ են հավաստում, որ լուծումներ հաստատ կան, որոնք օգուտ կբերեն բոլորին, Երևանը կդարձնեն ապրելու, տեղաշարժվելու համար ավելի Հարմարավետ ու Մարդամոտ քաղաք):
Կարող եք ուսումնասիրել հարյուրավոր քաղաքների փորձերը, թե ինչ գրագետ և էկոլոգիապես մտածված այլընտրանքներ կան, օրինակ` Ամստերդամի դասերը դիտարկեք: Նրանք էլ 1950-60-ականներին տեղ էին տալիս մեքենաներին, բայց «խելքի եկան» դեռ 70-ականներին։ Ո՞ր թվականում ենք մենք…»:
