Արցախի նախկին պետնախարար Արտակ Բեգլարյանը արձագանքել է Հարավային Կովկասում Եվրոպական Միության հատուկ ներկայացուցիչ Տոյվո Կլաարի թվիթերյան գրառմանը։
Հիշեցնենք՝ Ադրբեջանի դիվերսիոն հարձակումից հետո Տոյվո Կլաարը Թվիթերում գրել է, որ «տեղի ունեցած արյունալի միջադեպն ընդգծում է բանակցությունների առաջմղման խիստ անհրաժեշտությունը կայունության և արդար խաղաղության հասնելու համար»: «Ես Բաքվում եմ և անհամբերությամբ սպասում եմ Ադրբեջանի ղեկավարության հետ առարկայական հանդիպումներին՝ Մյունխենի հանդիպումից հետո խաղաղ գործընթացն առաջ մղելու համար»,- հավելել է նա:
«Իմ անվստահությունը Տոյվո Կլաարի նկատմամբ ավելի է խորանում՝ ադրբեջանական հանցագործությանը նրա ռեակցիայի պատճառով: Նա կամ սիրողական դիվանագետ է կամ ադրբեջանական ուղեղի լվացման տակ է, կամ կոռումպացված չինովնիկ է կամ Եվրոպական արժեքների, շահերի և մարդու իրավունքների շեղված ընկալումներ ունի: Բոլոր չորս տարբերակների դեպքում փոփոխություններն անհրաժեշտություն են», – ԵՄ հատուկ ներկայացուցչի գրառմանն արձագանքել է Արտակ Բեգլարյանը:
Կարդացեք նաև
My mistrust/doubts to @ToivoKlaar get deeper due to his reactions to Azerbaijani crimes.
— Artak Beglaryan | #StopArtsakhBlockade (@Artak_Beglaryan) March 5, 2023
He is either:
•Amateur diplomat,
•Under Az brainwashing,
•Corrupt official,
•With deviated perceptions of European values, interests & human rights.
All four options require changes.
