Հասարակական-քաղաքական գործիչ Ավետիք Չալաբյանի գործով նիստն այսօր շարունակվում էր Երեւանի ընդհանուր իրավասության դատարանի Կենտրոն նստավայրում, Մնացական Մարտիրոսյանի նախագահությամբ: Նիստի սկզբին ներկա էր նաեւ գործով հիմնական վկա Թոռնիկ Ալեյանն իր ներկայացուցիչ Յուրա Աղայանի հետ: Սակայն, մինչ քննարկվում էր պաշտպանական կողմի միջնորդությունը՝ դատավոր Մնացական Մարտիրոսյանին (լուսանկարում) ինքնաբացարկ հայտնելու մասին, վկան եւ իր ներկայացուցիչը հեռացել էր, ինչպես հետո պարզեց դատարանի աշխատակազմը, ինչ-որ հանդիպման լինելու պատրվակով:
Վկայի նման վարքագիծը մեղադրող դատախազը անհարգալից գնահատեց դատարանի նկատմամբ, քանի որ վկան իրավունք չուներ լքել դատարանի շենքը՝ առանց նախագահողի թույլտվության: Նման վարքագծի համար, ըստ մեղադրողի, դատարանը պետք է սանկցիա կիրառի վկայի նկատմամբ:
Պաշտպանական կողմը համակարծիք էր մեղադրողի հետ:
Դատավորը հայտարարեց, որ վկան տեղեկացրել է, որ հաջորդ դատական նիստին ներկայանալու է, ուստի, նրա նկատմամբ սանկցիա կիրառել-չկիրառելու որոշում կկայացնի հաջորդ նիստին՝ նրան լսելուց հետո:
Կարդացեք նաև
Մանրամասները՝ տեսանյութում
Հաջորդ նիստի կկայանա մարտի 10-ին, ժամը 10.00-ին: Դատարանը ծանուցագիր կուղարկի Թոռնիկ Ալեյանին, եթե նա չներկայանա դատարան, ապա բերման ենթարկելու որոշում կկայացնի:
Նելլի ԳՐԻԳՈՐՅԱՆ
