2018 թ. հայտնի իրադարձություններից հետո «Իմ քայլը» հեղափոխական «բրենդի» տակ հայտնված Փաշինյանի տիկնոջ հիմնադրամը, որն աչքի էր ընկնում միլիոնավոր դրամների՝ մեծամասամբ անանուն նվիրատվություններով, 2022 թվականին այդ հարցում չի ունեցել ցանկալի դինամիկա:
Հիշեցնենք՝ Աննա Հակոբյանի բարեգործական հիմնադրամը 2021 թվականից տնօրինում է Ազգային ժողովի նախկին իշխանական պատգամավոր Մխիթար Հայրապետյանը:
Նվիրատվությունների մասին
Դրանք ակնհայտորեն նվազել են 2020 թվականից հետո, գուցե այն պատճառով, որ 2020 թվականի 44-օրյա պատերազմից հետո նվազել է նաև սփյուռքի վստահությունը ՀՀ իշխանությունների հանդեպ:
Կարդացեք նաև
Այպիսով, ըստ հիմնադրամի կայքէջի, եթե նվիրատվությունները 2018 թվականին կազմել էին շուրջ 272 միլիոն դրամ, 1 միլիոն դոլար, 1 միլիոն ռուբլի և 2030 եվրո, 2019 թվականին՝ 756 միլիոն դրամ, 1.7 միլիոն դոլար, 2.9 միլիոն ռուբլի, 138 եվրո, 10 հազար ֆրանկ և 10 հազար կանադական դոլար, 2020 թվականին՝ 421 միլիոն դրամ, 288 հազար դոլար, 708 հազար ռուբլի և 3250 եվրո, ապա 2021 թվականին՝ 1.9 միլիոն դրամ, շուրջ 301 հազար դոլար, 0 ռուբլի և 3532 եվրո, իսկ 2022 թվականին՝ 126001 դրամ, 290 դոլար, 0 ռուբլի և 770 եվրո:
Նվիրատուներից մի քանիսի մասին՝ առավել մանրամասն
«Իմ քայլը» հիմնադրամի կայքէջում 2021-2023 թթ. նվիրատուների ցանկում կարող ենք տեսնել «Ախթալայի լեռնահարստացման կոմբինատ» ՓԲԸ-ն, որը 10.000.000 դրամ է նվիրաբերել:
Հաջորդ նվիրատուն «Յունիքորն Թրեյդ» ՓԲԸ-ն է, որը հիմնադրամին է փոխանցել 1.000.000 դրամ: Այս ընկերությունը, ըստ Փաշինյանի ընտանեկան` «Հայկական Ժամանակ» կայքի նախկին հրապարակումների, պատկանում է իշխանական պատգամավոր Գուրգեն Արսենյանին:
«Գյումրի-Գարեջուր» ՍՊԸ -ն էլ նվիրաբերել է 250.000 դրամ: Ընկերությունը պատկանում է Գյումրու նախկին քաղաքապետ Սամվել Բալասանյանի ընտանիքին, ավելի կոնկրետ՝ որդուն՝ Միսակ Բալասանյանին:
Հիշեցնենք, որ Սամվել Բալասանյանը, որը մի քանի կուսակցություններ էր փոխել, հեշտորեն լեզու էր գտել նաև ՔՊ-ի հետ, ավելին՝ անցյալ տարի տեղեկություններ կային, որ Սամվել Բալասանյանի որդին՝ Միսակ Բալասանյանը, գուցե Լոս Անջելեսում Հայաստանի հյուպատոս նշանակվի:
Հոդվածն ամբողջությամբ՝ «168 ժամ» շաբաթաթերթի այսօրվա համարում։
