Մարտի 1-ի ոճրագործության զոհերի հիշատակին մայրաքաղաքի Ալեքսանդր Մյասնիկյանի անվան հուշարձանի մոտ հարգանքի տուրք մատուցելուց հետո ՀԱԿ անդամ Արամ Մանուկյանը անդրադառնալով օրվա իշխանությունների հայտարարություններին, թե մարտի 1-ը բացահայտված է, ասաց․ «Եթե նախկին իշխանությունները կատարողները, պատասխանատուները, հեղինակներն էին, ապա այս իշխանությունը դարձավ դրանք կոծկողը, պարտակողը։ Եվ այդ բռնել-բաց թողնել խաղալը ծաղր էր։ Եթե 15 տարի անցել է եւ չկա դատարանի գեթ մեկ վճիռ մարտի 1-ի ոճրագործության համար, ես դա համարում եմ այդ ոճրագործության զոհերի հիշատակի ծաղր։ Սկզբից մտածում էի, թե չեն կարողանում բացահայտել։ Հետո համոզվեցի, որ իրենք, պարզապես, ծրագրի մեջ են եւ չեն ուզում»։
Արամ Մանուկյանի կարծիքով, եթե նախորդները դա անում էին իրենց իշխանությունը պահելու համար, այս իշխանությունը նպատակային գնաց ծածկադմբոց եւ նրա մեղքը ամենեւին պակաս չէ։
Աշոտ ՀԱԿՈԲՅԱՆ
