Այո, ՀՀ-ն Ադրբեջանին եւ ԵԱՀԿ ՄԽ համանախագահներին դեռեւս փետրվարի կեսին փոխանցել է խաղաղության պայմանագրի իր տարբերակը, բայց արձագանք դեռ չկա։ Այս մասին այսօր ազգային ժողով-կառավարություն հարցուպատասխանի ժամանակ հայտարարեց վարչապետ Նիկոլ Փաշինյանը։
Նա նշեց․ «Երբ մենք ենք ստանում նման փաստաթուղթ, արձագանքը ձեւավորելը ենթադրում է որոշակի ժամանակ։ Բայց այս ընթացքում խաղաղության պայմանագրի հետ կապված երեք շրջափուլ է եղել։ Իրենք են առաջարկել, մենք ենք առաջարկել, եւ այդպես երեք անգամ։ Անկախ առերես հանդիպումներից՝ փաստաթղթային աշխատանքներ են իրականացվում եւ դրանք ոչ միշտ են պահանջում առերես հանդիպում։ Վերջերս ադրբեջանական կողմին ենք փոխանցել սահմանագծման հանձնաժողովների կանոնակարգի նախագիծ։ Դրա արձագանքին ենք սպասում։ Նախկինում արած մեր առաջարկները՝ կոմունիկացիաների բացման վերաբերյալ, շարունակում են մնալ ուժի մեջ»։
Լուիզա ՍՈՒՔԻԱՍՅԱՆ
