Պատասխանելով Aravot.am-ի հարցին, թե ինչ քայլեր է անում Չեխիայի Հանրապետությունը` Բերձորի միջանցքը ապաշրջափակելու եւ այդ հարցով Ադրբեջանի վրա ազդելու ուղղությամբ, Հայաստանում Չեխիայի Հանրապետության նորանշանակ արտակարգ եւ լիազոր դեսպան Պետր Պիրունչիկը հետեւյալը նշեց․ «Չեխիայի Հանրապետությունը գործում է ԵՄ այլ երկրների հետ՝ համակարգված սերտ համագործակցությամբ։ Մենք ուշադիր հետեւում ենք տեղի ունեցող զարգացումներին։ Իրավիճակը շատ լուրջ է։ ԵՄ-ում կա կոնսենսուս այն բանի վերաբերյալ, որ տրանսպորտային երթուղիները պետք է բերվեն աշխատանքային վիճակի, վերականգնվեն մատակարարումները։ Այդ ուղղությամբ արդեն իսկ ձեռնարկվել են մի քանի դրական քայլեր։ Մենք շարունակում են խոսել Ադրբեջանի հետ՝ թե Չեխիայի Հանրապետության, թե ԵՄ մակարդակներով»։
Դեսպանը նաեւ հավելեց․ «Այս համատեքստում ես ուզում եմ մի բան նշել․ԵՄ-ն, որի ակտիվ անդամն է Չեխիան, տեւական ժամանակ է ներգրաված է Հայաստանի և Ադրբեջանի բարձրագույն ներկայացուցիչների միջև միջնորդական բանակցություններում։ ԵԽ նախագահ Շառլ Միշելի միջնորդությամբ արդեն կայացել է բանակցությունների մի քանի փուլ, եւ ոչ անհաջող։ Մենք կարծում ենք, որ կայուն խաղաղության կարելի է հասնել միայն երկու երկրների ուղիղ բանակցությունների եւ համաձայնության արդյունքում։ Հայաստանն ու ողջ տարածաշրջանը, անշուշտ, արժանի են խաղաղության եւ հանգստության»։
Գոհար ՀԱԿՈԲՅԱՆ
Դեսպանի հետ հարցազրույցի մանրամասները՝ առաջիկայում։
Կարդացեք նաև
Լուսանկարը՝ դեսպանի ֆեյսբուքյան էջից
