Լաչինի միջանցքում որևէ հսկիչ անցակետի ստեղծում նախատեսված չէ, իսկ միջանցքի գործունեության ռեժիմը պետք է լիարժեք համապատասխանի նոյեմբերի 9-ի եռակողմ հայտարարությանը: Այս մասին հայտարարել է Ռուսաստանի արտգործնախարար Սերգեյ Լավրովը Բաքվում իր գործընկեր Ջեյհուն Բայրամովի հետ հանդիպումից հետո:
«Ինչ վերաբերում է Լաչինի միջանցքին, պատասխանը հեշտ չէ. դրա ռեժիմը, դրա գործունեության ռեժիմը պետք է լիարժեք համապատասխանի ամենաառաջին եռակողմ հայտարարությանը՝ թվագրված 2020թ. նոյեմբերի 9-10-ին, ինչը նշանակում է, որ անհրաժեշտ է ապահովել ազատ տեղաշարժ բացառապես քաղաքացիական հումանիտար բեռների և քաղաքացիական անձանց համար,- ասել է Լավրովը Բայրամովի հետ համատեղ մամուլի ասուլիսում:- Այնտեղ որևէ հսկիչ անցակետի ստեղծում նախատեսված չէ»:
Պատրաստեց Վիկտորյա ԱՆԴՐԵԱՍՅԱՆԸ
