Ադրբեջանը առցանց դիվանագիտությունը բանակցությունների վարման արդյունավետ մեթոդ չի համարում: Այս մասին հայտարարել է Ադրբեջանի արտգործնախարար Ջեյհուն Բայրամովը Ռուսաստանի իր գործընկեր Սերգեյ Լավրովի հետ համատեղ մամուլի ասուլիսում:
«Հայաստանը դեկտեմբերին հրաժարվեց հանդիպումից, և սկսվել է մեկնաբանությունների առցանց փոխանակություն: Ադրբեջանն առցանց դիվանագիտությունը չի համարում խաղաղության պայմանագրի շուրջ բանակցություններ վարելու առավել արդյունավետ մեթոդ»,- ասել է Բայրամովը:
Նա հույս է հայտնել, որ հայկական կողմը կհասկանա, որ նման մոտեցումը վնասում է բանակցությունների գործընթացին: «Ադրբեջանը պատրաստ է բանակցությունների, մասնավորապես առերես հանդիպումների»,- ասել է Բայրամովը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
