Էստոնիա-Հայաստան խորհրդարանական խմբի անդամները խորապես մտահոգված են Լաչինի միջանցքի արգելափակման կապակցությամբ: Նրանք հանդես են եկել համատեղ հայտարարությամբ:
«Միջանցքը տարածաշրջանի տեղական բնակչության համար կենսական նշանակության կարեւոր ճանապարհ է: Հոսանքի հաճախակի անջատումների եւ էլեկտրականության ու գազի բացակայության պատճառով հումանիտար ճգնաժամը տարածաշրջանում օրեցօր վատթարանում է: Բացի այդ, ժողովուրդը կենսական իրերի կարիք ունի` դեղորայք եւ բժշկական օգնություն, սնունդ եւ վառելիք»,- նշել է խորհրդարանական խումբը համատեղ հայտարարարության մեջ:
Հայտարարությամբ խմբի անդամները կոչ են արել շահագրգիռ կողմերին վերադառնալ բանակցությունների սեղանի շուրջ` տարածաշրջանում կայունության եւ զարգացման ապահովմանն աջակցելու նպատակով:
«Արգելափակումը շարունակում է վնասակար ազդեցություն ունենալ Հայաստանի եւ Ադրբեջանի միջեւ խաղաղության գործընթացի վրա: Մենք խորապես հավատում ենք, որ հումանիտար հարցերի կարգավորումը, տեղաշարժման ազատությունը եւ միջանցքի անվտանգությունն ունեն չափազանց կարեւոր նշանակություն` առաջընթացի ապահովման համար»,- հայտարարել են խմբի անդամները:
Կարդացեք նաև
Հայտարարությունը ստորագրել են խորհրդարանական խմբի նախագահ Ռայվո Տամը եւ անդամներ Մատի Ռայդման, Միհայիլ Լոտմանը, Տարմո Կրուուսիմեն եւ Լեո Կունասը:
ԱԺ
