ԱԺ պետական-իրավական հարցերի մշտական հանձնաժողովի նիստում այսօր երկրորդ ընթերցմամբ քննարկվեց եւ, իշխող ուժի 7 պատգամավորների դրական քվեարկության շնորհիվ, առաջիկա լիագումար նիստերի օրակարգում ընդգրկվեց «Պետական գաղտնիքի մասին» եւ կից օրենքներում փոփոխություններ կատարելու մասին նախագծերի փաթեթը:
Ընդդիմադիր «Հայաստան» խմբակցության երեք պատգամավորները «դեմ» լինելով՝ հատուկ կարծիք կներկայացնեն նախագծի մասին. այն կհնչի ԱԺ լիագումար նիստում:
Թեեւ երեք աշխատանքային քննարկում է եղել նախագծի վերաբերյալ, սակայն, ընդդիմադիր պատգամավոր Արծվիկ Մինասյանը նկատեց, որ սկզբունքային հարցը, որը վերաբերվում է ԱԺ պատգամավորներին՝ պետական գաղտնիքի հասանելիությանը, մնացել է անփոփոխ:
ԱԱԾ տնօրենի տեղակալ Տիգրան Հարությունյանը հայտարարեց, որ ընդդիմադիր պատգամավորների դիրքորոշումներից տպավորություն է ստեղծվում, որ երեք անձանց՝ նախագահի, վարչապետի, ԱԺ նախագահի համար անձեռնմխելիություն է սահմանվում՝ պետական գաղտնիքին առնչվելու թույլտվությամբ, սակայն, նման բան չկա, կանոնակարգերը խախտելու դեպքում նրանք չեն ազատվում քրեական պատասխանատվությունից:
Կարդացեք նաև
Այլ մանրամասները՝ տեսանյութում
Նիստի կեսին, ԱԺ պետաիրավական հարցերի մշտական հանձնաժողովի նախագահի առաջարկով՝ պատգամավորները մեկ րոպե լռությամբ հարգեցին Սումգայիթում տեղի ունեցած ոճրագործության զոհերի հիշատակը:
Նելլի ԳՐԻԳՈՐՅԱՆ
