Երևանի ընդհանուր իրավասության դատարանի դատավոր Զարուհի Նախշքարյանի լիազորությունները դադարեցվեցին՝ էական կարգապահական խախտման հիմքով: ԲԴԽ-ն բավարարել է Զարուհի Նախշքարյանի նկատմամբ կարգապահական պատասխանատվության ենթարկելու մասին ՀՀ արդարադատության նախարար Գրիգոր Մինասյանի ներկայացրած միջնորդությունը։
«Խորհուրդը հարկ է համարում պարզաբանել, որ դատավորն արդեն իսկ ունեցել կարգապահական տույժ՝ խիստ նկատողություն, որը մարված չէ։ Դատավոր Նախշքարյանն Աննա Փիլոսյանին կարգապահական պատասխանատվության ենթարկելու հարցի վերաբերյալ հրապարակային կարծիք է հայտնել, ինչպես նաեւ՝ հրապարակայնորեն կասկածի տակ է առել տվյալ դատական ակտը եւ դատարանի գործողությունները, ինչը համարվում է դատավորի վարքագծի կանոնների խախտում»,– ասված է որոշման մեջ։
