«Ազգային-ժողովրդավարական բեւեռ» համահայկական կուսակցության խորհրդի անդամ Վահե Գասպարյանը «Հրապարակի» հետ զրույցում ասել է․ «Մեզ հաճախ հարցնում են, թե ինչու ենք Ուկրաինային սատարում՝ Հայաստանի դարդերը թողած, խոսվում է այն ֆեյք տեղեկությունների մասին, որի համաձայն՝ Ուկրաինան Ադրբեջանին ֆոսֆորային ռումբեր է տվել, և այլն և այլն, սակայն ակնհայտ է, որ Ուկրաինան ոչ մի ֆոսֆորային ռումբ չի տվել Ադրբեջանին, այդ մասին խոսել է անգամ Զելենսկին: Բոլորովին վերջերս նույն Ուկրաինան ԱՄՆ-ից ֆոսֆորային և կասետային ռումբեր էր խնդրում, սակայն ԱՄՆ-ն մերժեց: Ստացվում է, որ Ուկրաինան անգամ իր համար չունի նման զենք»։
Հարցին՝ «Իսկ ֆոսֆորային ռումբեր որտեղի՞ց է ձեռք բերել Ադրբեջանը», պատասխանել է․ «Ռուսաստանից, էլ որտեղի՞ց: Նույն այդ ֆոսֆորային ռումբերով Ռուսաստանը ռմբակոծում էր Մարիուպոլը: Ֆոսֆորային ռումբեր ունի Ռուսաստանը և հենց նա էլ Ադրբեջանին փոխանցել էր այն: Ուկրաինան ոչ մի ֆոսֆորային զենք չի տվել Ադրբեջանին, դա հայտարարվել է պաշտոնապես: Ոչ թե ունեն, չեն տվել, այլ անգամ Ուկրաինան իր համար չունի այդ ռումբը»։
Հարցին էլ՝ «Բայց նույն Ուկրաինան տարբեր կերպ աջակցություն է հայտնել Ադրբեջանին, անգամ 44-օրյա պատերազմից հետո շնորհավորեց Ադրբեջանին», Վահե Գասպարյանը պատասխանել է․ «Ադրբեջանին Զելենսկին շնորհավորեց, որովհետև Ադրբեջանը վերականգնեց իր տարածքային ամբողջականությունը: Այն, որ Ուկրաինան Ադրբեջանին շնորհավորեց, դա Հայաստանի վարած կրեմլահպատակ քաղաքականության արդյունքն է: Այն, որ Արցախի 7 շրջանները գրավյալ տարածքներ էին, այդ մասին մենք ինքներս ենք ասել: Այ եթե մենք ասեինք, որ Արցախն օկուպացված է, կա անգամ Ազգերի լիգայի որոշում և որ մենք պահանջում ենք Արցախի դեօկուպացիան, այդ ժամանակ նույն Զելենսկին Ադրբեջանին չէր շնորհավորի»։
Հայկ ԳԵՎՈՐԳՅԱՆ
Կարդացեք նաև
Հարցազրույցն ամբողջությամբ՝ սկզբնաղբյուր կայքում
Որ սրանք անհասկանալի պրոյեկտ են՝ շատերն են համակարծիք։ Սկսում եմ հակվել Հախվերդյան Ռուբոյի կարծիքի կողմը՝ ռուսական կգբ-ի ագենտները շատ են սրանց մեջ։ Լսեք, թե ինչով է արդարացնում Զելենսկու շնորհավորանքները ազերիներին։ Իսկ որ ուկրանացի կամավորները դեռ առաջին պատերազմում կռվում էին ազերիների կողմից մեր դեմ՝ դա ինչո՞վ կարդարացնես։ Ու կգբ-ի մայորի օֆիցիալ կոչւմ ունեցող արա պապյանի պես էլ չի հասկանում, թե ինչ է “տարածական ամբողջականությունը” միջազգային իրավունքի տեսանկյունից։