«Ադրբեջանն այսօր խոսում է խաղաղության օրակարգի մասին, իսկ դա նշանակում է, որ մենք շրջել ենք պատմության սև էջը հանուն ապագայի: Այս համատեքստում մենք խոսել ենք Ղարաբաղում ապրող էթնիկ հայ բնակչության` ադրբեջանական հասարակության մեջ սոցիալական, տնտեսական և քաղաքական վերաինտեգրման մասին»,- ասել է Բայրամովը:
Նրա խոսքով` իրենք առաջին իսկ օրվանից ասում են, որ պատրաստ են խոսել հայ բնակչության հետ, և անգամ եղել են դրական արդյունքներ: «Բայց այն մարդը, որ եկավ Ղարաբաղ (նկատի ունի արդեն նախկին պետնախարար Ռուբեն Վարդանյանին- խմբ.), չի կարող մեզ համար լինել բանակցության կողմ: Այն մարդիկ, որոնք կանգնում էին նրա հետևում, հասկացան, որ «Վարդանյան նախագիծը» չի աշխատի»,- ասել է նա:
Բայրամովը հավելել է, որ Հայաստանը երկար տարիներ «անօրինական կերպով բնակեցրել է օկուպացված տարածքները այլ երկրների հայերով»: «Ուստի Վարդանյանի և այդ մարդկանց միջև ոչ մի տարբերություն չկա: Նա որևէ կապ չունի Ղարաբաղի հետ»,- ասել է Բայրամովը:
Պատրաստեց Վիկտորյա ԱՆԴՐԵԱՍՅԱՆԸ
