Սահմանադրական դատարանի փետրվարի 14-ի աշխատակարգային որոշմամբ հաստատվել է եւ պաշտոնական կայքում երեկվանից տեղադրվել է «ՍԴ 2022 թ. ընդունված որոշումների կատարման վիճակի վերաբերյալ» 80 էլեկտրոնային էջանոց հաղորդումը:
2022 թվականին Սահմանադրական դատարան է մուտքագրվել 168 դիմում:
Սահմանադրական դատարան մուտքագրված դիմումների փաստացի պատկերը՝ ըստ դիմող սուբյեկտների, հետեւյալն է.
- պատգամավորների ընդհանուր թվի առնվազն մեկ հինգերորդ – 5 դիմում,
- կառավարություն – 28 դիմում,
- ֆիզիկական եւ իրավաբանական անձինք – 121 դիմում,
- Մարդու իրավունքների պաշտպան – 4 դիմում,
- դատարաններ – 10 դիմում:
2022 թվականին Սահմանադրական դատարանը կայացրել է 344 որոշում, որից
Կարդացեք նաև
54 ըստ էության որոշում, 219 աշխատակարգային որոշում, 71 դատական կազմի որոշում:
Հաղորդման համաձայն, կառավարության կողմից Սահմանադրական դատարան ներկայացված միջազգային պայմանագրերով ստանձնված պարտավորությունների սահմանադրականության հարցով դիմումների հիման վրա Սահմանադրական դատարանը 2022 թվականին կայացրել է 36 որոշում: Նշված գործերով 12 դիմումները Սահմանադրական դատարան են մուտքագրվել 2021 թվականին:
2022 թվականին կառավարության կողմից Սահմանադրական դատարան է ներկայացվել 28 դիմում, որոնցից 4-ի դատաքննությունները նշանակվել են 2023 թվականի հունվարի 17-ին: Նշված 28 միջազգային պայմանագրերից 14-ը բազմակողմ են, 14-ը` երկկողմ, որոնցից 5-ը` վարկային: Սահմանադրական դատարանի կողմից 2022 թվականին քննության առնված 36 միջազգային պայմանագրերից 33-ը վավերացվել են Ազգային ժողովի կողմից 2022 թվականի ընթացքում:
Ըստ էության, դատարանները նույնպես ակտիվ են գտնվել, նախորդ տարիներին նրանք մեկ-երկու անգամ էին դիմում Սահմանադրական դատարան: Նշեմ, որ երկու գործի վարույթ կարճվել է, դատարաններից դիմել էին ՀՀ վարչականը, Երեւան քաղաքի ընդհանուր իրավասության առաջին առյանի դատարանը, ՀՀ վերաքննիչ քրեական դատարանը:
Ռուզան ՄԻՆԱՍՅԱՆ
«Առավոտ» օրաթերթ
23.02.2023
