20 Փետրուար 2023, Երկուշաբթի գիշեր, ժամը 20.00-ի շուրջ Հաթայ կեդրոնով պատահած երկու երկրաշարժներ վախ ու աւեր պատճառեցին։ Ռիխտերեան 6,4 եւ 5,8 աստիճանով պատահած շարժերէն առաջինին կեդրոնը Տէֆնէ, իսկ երկրորդինը Սամանտաղ գաւառակն էր։
Երկու երկրաշարժները պատճառ դարձան նախորդ երկրաշարժներէ վնասուած բազմաթիւ շէնքերու փլուզման, իսկ այլ շէնքերու նոր ու լուրջ վնասներ կրելուն։
Ն.Ա.Տ. Սահակ Բ. Պատրիարք Հայրը կապ հաստատած է այն շրջաններուն հետ եւ տուած իր օրհնութիւններն ու ցաւակցութիւնները։
Առաջին առթիւ ստացուած տեղեկութեամբ յայտնի կը դառնայ թէ Մուսա Լերան Վաքըֆգիւղի մէջ մահ չէ պատահած, սակայն շէնքեր այս անգամ լուրջ վնասներ կրած են։ Վնասուած է գիւղի գողտրիկ Ս. Աստուածածին Եկեղեցւոյ զանգակատունը, ինչպէս նաեւ համալիրի պատերէն մասեր, նախկին հիւրանոցի պատը։
Յառաջիկային ստացուած լուրերը պիտի հաղորդուին։
Թուրքիայում Պատրիարքութիւն Հայոց
Կարդացեք նաև
