Ալավերդի համայնքի ղեկավար Արկադի Թամազյանն իրականացրել է ստուգողական շրջայցեր համայնքային ենթակայության կազմակերպություններում: Ալավերդի համայնքի ղեկավարի տեղակալ Արտուշ Աբելյանի, ոլորտը համակարգող բաժնի պետ Ստեփան Ասրյանի և այլոց ուղեկցությամբ համայնքի ղեկավարը ծանոթացել է մանկապարտեզների և արվեստի դպրոցների առօրյային:
Այցելություններ են կատարվել համայնքի թիվ 1, թիվ 2, թիվ 3, Ամալյա Կարապետյանի անվան թիվ 7 նախադպրոցական ուսումնական հաստատություններ, որտեղ շրջելով ՆՈՒՀ-երում, Արկադի Թամազյանը գնահատել է շենքային պայմանները, ինչպես նաև ծանոթացել մանկավարժամեթոդական աշխատանքների ընթացքին, սաների առօրյային՝ զրուցելով նրանց հետ:
Կատարվել են շրջայցեր նաև Ալավերդու Ռ. Մելիքյանի անվան երաժշտական և Ալավերդու Ալբերտ Պապոյանի անվան գեղարվեստի դպրոցներում, որտեղ մանկավարժների հետ ունեցած զրույցի ընթացքում Արկադի Թամազյանը ներկայացրել է հստակ դիրքորոշումներ` ուսումնադաստիարակչական աշխատանքներն արդյունավետորեն կազմակերպելու և իրականացնելու ուղղությամբ՝ տալով համապատասխան հանձնարարականներ:
Ստուգողական շրջայցերը լինելու են շարունակական:
Կարդացեք նաև
Ալավերդու համայնքապետարան
