«Արցախի անկախությունը ճանաչողը Արցախ կհանձնե՞ր կամ հինգ հազար երեխու կկոտորե՞ր»,-այսօր` Արցախի ազգային-ազատագրական պայքարի 35-ամյակի օրը, «Միասին» այլընտրանքային հասարակական-քաղաքական շարժման խորհրդի կազմակերպած համահավաքի ժամանակ իր խոսքում ասաց «Որդիների Կանչ» ՀԿ-ի նախագահ, 44-օրյա պատերազմում հերոսաբար նահատակված Հակոբ Ռոստոմյանի հայրը՝ Արա Ռոստոմյանը՝ անդրադառնալով համահավաքի ընդունած բանաձեւին, որի երեք կետերից մեկով կոչ է արվում ՀՀ ԱԺ-ին՝ երկու շաբաթվա ընթացքում ճանաչել Արցախի անկախությունը: Նա հավաքվածներին հորդորեց իրավիճակն ավելի սթափ գնահատել, քանի որ կոչերով իշխանությունը չի հեռանալու եւ Արցախի անկախությունն էլ չի ճանաչելու:
Նրա գնահատմամբ, 44-օրյա պատերազմից հետո արդեն ընդդիմադիր ուժերը պետք է միավորված լինեին ու հեռացրած լինեին այս իշխանությանը. «Ողջունում ենք այս շարժումը, մենք կսպասենք ևս մեկ-երկու ամիս, բայց եթե էլի արդյունքի չհասավ, մենք՝ ծնողներով, ամբողջ բեռը կվերցնենք մեր վրա: Պահ էր լինում՝ ասում էին՝ մեզ մահապարտներ են պետք. մահապարտները կան, ուղղակի մեզ պետք է թիկունքից չհարվածել, դուք էլ եղեք մեր թիկունքը, մեր հետեւից կգաք»:
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
