ԱՀ պետնախարար Ռուբեն Վարդանյանի խորհրդական, «Ապրելու երկիր» կուսակցության համահիմնադիր Մեսրոպ Առաքելյանի ֆեյսբուքյան գրառումը
Երևանի ավագանու այսօրվա նիստում հարցերի մի մասը ներառված էր որպես չզեկուցվող։ Իհարկե, դրանց զեկուցվող լինելուց քվեարկությունների պատկերը չէր փոխվի, բայց հարցը դա չէ։
Քաղաքապետարանի ղեկավարությունը այդպես էլ չի հասկանում, որ Երևանի ավագանին օրենսդիր մարմին է և ոչ թե՝ գործադիր։ Ի գիտություն՝ օրինակ Ազգային ժողովը օրենսդիր մարմին է, Կառավարությունը՝ գործադիր։
Եվ ահա, պատկերացրեք, Ազգային ժողովում օրենքները քվեարկեն առանց քննարկելու։ Չնայած, ճիշտ է, էլի արդյունքը նույնը կլինի։
Կարդացեք նաև
Ավագանին ներկայացուցչական մարմին է, որտեղ ներկայացված են քաղաքական ուժեր, ի տարբերություն կառավարության, որը միասնական մարմին է։
Հուսով եմ, մի քանի ամսից ընդդիմադիր ՔՊ խմբակցությունը ավելի արդյունավետ կաշխատի Երևանի ավագանու կազմում, ոնց Հայաստանի մի շարք համայնքներում։
