Աշխատանքային շրջայց Սանահինում.
🔰Այսօր՝ Փետրվարի 9-ին, Ալավերդի համայնքի ղեկավար Արկադի Թամազյանը համայնքապետարանի պաշտոնատար անձանց ուղեկցությամբ այցելեց համայնքի Սանահին թաղամաս։
✅Շրջայցը մեկնարկեց թիվ 5 ՆՈՒՀ-ից, որտեղ ծանոթանալով շենքային պայմաններին, գործուն կարգավիճակին` համայնքի ղեկավարը հրատապ համարեց մանկապարտեզի հիմնանորոգման՝ շինության ենթակառուցվածքային փոփոխության խնդիրը։
Կարդացեք նաև
✅️Աշխատանքային այցը շարունակվեց Միկոյան եղբայրների թանգարանում, որտեղ համայնքի ղեկավարը հանդիպեց բնակիչների հետ։ Վերջիններիս կողմից հնչեցված առաջարկները բազմաթիվ էին, գլխավորապես` թաղամասը համայնքի վարչական մաս դարձնելու ցանկությունը։
✅Շրջայցի վերջին կանգառը Սանահինի վանական համալիրում էր, որտեղ բնակիչները ներկայացրին եկեղեցու հարևանությամբ գտնվող շինությունը և այն հանդիսությունների սրահ դարձնելու իրենց առաջարկը։
☑Թաղամասի համաչափ լուսավորության, ջրամատակարարման և այլ խնդիրների վերաբերյալ համայնքի ղեկավարի կողմից տրվեցին հանձնարարականներ։
Աշխատանքային շրջայցերը բնակավայրերում լինելու են շարունակական։
Ալավերդու Համայնքապետարան
