«Ամերիկայի ձայն». Ուրբաթ օրը Վաշինգտոնը կհայտարարի օգնության նոր փաթեթի մասին:
Ամիսներ տեւած քննարկումներից հետո ԱՄՆ-ը համաձայնել է հեռահար զինամթերք ուղարկել Ուկրաինա, մինչ Կիևը պատրաստվում է գարնանային հարձակման՝ անցյալ տարի Ռուսաստանի կողմից գրավված տարածքները հետ վերցնելու համար:
Այս մասին հայտարարել են ԱՄՆ-ի պաշտոնյաները՝ հաստատելով, որ նոր սպառազինությունը մոտավորապես կկրկնապատկի հարձակողական սպառազինությունների շրջանակը, որը նախկինում մատակարարել է Ամերիկան։
ԱՄՆ-ը ցամաքային փոքր տրամագծով զինամթերք կտրամադրի որպես 2,17 միլիարդ դոլար արժողությամբ օգնության փաթեթի մաս, որը նախատեսվում է հրապարակել ուրբաթ օրը, ասել են ԱՄՆ մի քանի պաշտոնյաներ:
Կարդացեք նաև
Փաթեթն առաջին անգամ ներառում է սարքավորումներ՝ արևմտյան դաշնակիցների կողմից մատակարարվող հակաօդային պաշտպանության տարբեր համակարգեր համադրելու և դրանք Կիևի սեփական ՀՕՊ համակարգերում ինտեգրելու համար՝ օգնելու Ուկրաինային ավելի լավ պաշտպանվել ռուսական շարունակվող հրթիռային հարձակումներից:
Ամիսներ շարունակ ԱՄՆ պաշտոնյաները վարանում էին Ուկրաինա ուղարկել հեռահար սպառազինության համակարգեր՝ վախենալով, այն մտավախությամբ, որ դրանք կօգտագործվեն Ռուսաստանի ներսում թիրախները խոցելու համար՝ սրելով հակամարտությունը և ԱՄՆ-ին ավելի ներքաշելով այնտեղ:
Հեռահար զինամթերքը ևս մեկ ժամանակակից սպառազինության համակարգ է՝ Աբրամս տանկերից և Patriot հակահրթիռային համակարգերից հետո, որոնք ԱՄՆ-ն ի վերջո համաձայնեց տրամադրել Ուկրաինային: Միաժամանակ, ամերիկացի պաշտոնյաները շարունակում են մերժել կործանիչներ տրամադրելու Ուկրաինայի խնդրանքները։
ԱՄՆ-ը կուղարկի չճշտված քանակությամբ փոքր տրամաչափի զինամթերք՝ 150 կիլոմետր հեռահարությամբ, ասել են պաշտոնյաները:
Մինչ օրս ԱՄՆ-ի կողմից մատակարարվող հրթիռների հեռահարությունը չի գերազանցում 80 կիլոմետրը։ Օգնության նոր փաթեթի ֆինանսավորումը նախատեսված է երկարաժամկետ գնումների համար, ուստի դեռ պարզ չէ, թե որքան ժամանակ կպահանջվի, մինչև այդ զինամթերքը կհայտնվի Ուկրաինայում:
Ուկրաինայի պաշտպանության նախարար Ալեքսեյ Ռեզնիկովը հինգշաբթի հայտարարել է, որ երկիրը պատրաստ է երաշխիքներ տրամադրել արևմտյան գործընկերներին, որ նրանց զենքերը չեն օգտագործվի ռուսական տարածք հարվածելու համար։
Օգնության փաթեթը ներառում է 425 միլիոն դոլար արժողությամբ զինամթերք և օժանդակ սարքավորումներ, որոնք պետք է ներգրավվեն Պենտագոնի առկա պաշարներից և 1,75 միլիարդ դոլարի նոր ֆինանսավորում Ուկրաինայի անվտանգության աջակցության նախաձեռնության միջոցով, որն օգտագործվում է ռազմարդյունաբերական ձեռնարկություններից նոր զենք գնելու համար:
Հենց այս նախաձեռնությամբ է վճարվելու հեռահար զինամթերքի ձեռքբերումը և հակաօդային պաշտպանության համակարգերի ինտեգրումը։ Այն նաև ֆինանսավորում է HAWK զենիթահրթիռային համակարգերի, զենիթային զենքերի և զինամթերքի, ինչպես նաև հակաօդային պաշտպանության համակարգերի գնումը։
Ուկրաինան դեռևս պահանջում է F-16 կործանիչներ, ինչին ԱՄՆ նախագահ Ջո Բայդենը դեմ է եղել պատերազմի սկզբից:
Երեքշաբթի օրը Ուկրաինայի պաշտպանության նախարար Ալեքսեյ Ռեզնիկովին հարցրել են, թե արդյոք նա կարծում է, որ Բայդենի «ոչ»-ը F-16-ների մատակարարումների վերաբերյալ ԱՄՆ նախագահի վերջին խոսքն է։
«Բոլոր տեսակի օգնությունները նախ անցել են «ոչ»-ի փուլը», – ասաց Ռեզնիկովը: «Բայց դա այս պահին միայն նշանակում է «ոչ»: Այնուհետև գալիս է «եկեք քննարկենք և ուսումնասիրենք տեխնիկական հնարավորությունները» փուլը: Երրորդ փուլը «եկեք վերապատրաստենք ձեր զինվորականներին»: Իսկ չորրորդ փուլը տեխնիկայի մատակարարումն է»։
Սույն հոդվածը կազմվել է Associated Press-ի տեղեկության հիման վրա:
