«Հայաստան» խմբակցությունը խորհրդարանական լսումներ է հրավիրել, որոնց նպատակն է միավորել փորձագիտական, մասնագիտական դաշտը, հարթակ տրամադրել բոլոր նրանց, որոնց մտքից ու այլ կարողություններից իշխանությունները չեն օգտվում, որովհետեւ այս դրվագում Բերձորի միջանցքը բացելու առաջադրանք իրենց տրված չէ»,- լրագրողների հետ զրույցում ասաց ՀՀ ԱԺ «Հայաստան» խմբակցության պատգամավոր Քրիստինե Վարդանյանը։
Նրա խոսքով․ «Պետք է կարծիքները, դիտարկումները բարձրաձայնվեն, մեր հանրությունը պետք է տեսնի, որ այնպես չէ, որ որեւէ գործողության հնարավորություն չունենք, ձեռքերը կապված են եւ որեւէ ելք չկա։
Այո, մի կողմից մենք ունենք 50 օրից ավելի շրջափակված Արցախ, ծայրագույն ճգնաժամային իրավիճակ, ընդ որում՝ միայն հումանիտար ճգնաժամի մասին չէ խոսքը, եւ այս իրավիճակում հայկական պետությունը կարող է իրապես քայլեր ձեռնարկել, որպեսզի մեղմվեն շրջափակման հետեւանքները բացվի ճանապարհը։ Այդ քայլերը կարող են լինել բազմաթիվ՝ պարբերաբար հումանիտար բեռների փոխադրումից, որը անիմաստ կդարձնի ադրբեջանցիների կողմից միջանցքի փակումը, մինչեւ այլընտրանքային ճանապարհ ու այլ մեթոդների կիրառում, որը պետության գործիքակազմում կա։ Ինչպես արդեն նշեցի, այս ամենը պետության դաշտում է, հայկական պետության, հայկական իշխանությունների դաշտում, սակայն նրա կողմից տեսնում ենք բացարձակ անգործություն»։
Քրիստինե Վարդանյանն իշխանությունների պահվածքն այս կերպ է բնորոշում․ «Իրենց միակ եւ առաջնային մտահոգությունը իրենց անձնական անվտանգության ու իշխանության պահպանումն է։ Եվ այդ ծիրի ներսում չի տեղավորվում Արցախը պաշտպանելու՝ իրենց պարտավորվածությունը, Արցախի անվտանգությունը երաշխավորելը»։
Կարդացեք նաև
Մանրամասն՝ տեսանյութում․
Գոհար ՀԱԿՈԲՅԱՆ
