«Իշխանությունն Իրանում օրերս տեղի ունեցած երկրաշարժին, ինչպես նաեւ ագրեսիվ գործողություններին չարձագանքեց, նախընտրեց լուռ մնալ։ Այդ գործողությունները մեծ լարվածություն բերեցին տարածաշրջանում»,-խորհրդարանում լրագրողների հետ ճեպազրույցում այսօր ասաց «Հայաստան» խմբակցության պատգամավոր Գեղամ Մանուկյանը՝ անդրադառնալով Իրանի մի շարք ռազմական օբյեկտների վրա ԱԹՍ-ներով հարձակման դեպքին։
«Տարածաշրջանում ցանկացած գործընթաց բերում է լարվածության նոր փուլ։ Հուսանք, որ այս վիճակը երկար չի տեւի։ Իրանի իշխանությունները վստահ են իրենց գործողություններում։ Վստահ ենք, որ եւս մեկ լարվածության օջախ չենք տեսնի ՀՀ-ի սահմաններին»,-հավելեց Գեղամ Մանուկյանը։
Լուիզա ՍՈՒՔԻԱՍՅԱՆ
