Ըստ datalex տեղեկատվական կայքի՝ քաղաքացի Ս․ Ա․-ին մեղադրանք է առաջադրվել այն բանի համար, որ նա Լիստ կայքէջում տեղադրված հայտարարության միջոցով տեղեկանալով Ա․ Հ․-ի կողմից Կիա Ֆորտե մակնիշի ավտոմեքենան օրավարձով տրամադրելու մասին, խարդախությամբ՝ խաբեության եղանակով վերջինիս ավտոմեքենան հափշտակելու դիտավորությամբ, մոլորության մեջ գցելով, վարձակալել է նրա Կիա Ֆորտե` 4.000.000 ՀՀ դրամ արժողության ավտոմեքենան,այնուհետև Իջևան քաղաքում 2500 ԱՄՆ դոլարով վաճառել է Թ․ Մ․-ին։ Ս․ Ա․-ին մեղադրանք է առաջադրվել ՀՀ քրեական օրենսգրքի 178 հոդվածի 2-րդ մասի 2-րդ կետով և 325 հոդվածի 1-ին մասով։
