Ապօրինի ծառահատումների դեմ պայքարը հետևողականորեն շարունակվում է: Հերթական արդյունքն օրերս գրանցել են Գուգարքի ոստիկանները: Բաժնի քրեական հետախույզները Եղեգնուտ գյուղում ստուգել են 3 խմ փայտանյութով բարձված մի բեռնատար։ Վարորդը հայտնել է, որ Եղեգնուտի հարակից անտառից ապօրինի հատել է 2 կանգուն ծառ։ Նա փայտանյութի օրինականության վերաբերյալ փաստաթուղթ չի ներկայացրել:
Ապօրինի ծառահատման հերթական դեպքը բացահայտվեց օպերատիվ ճանապարհով։ Գուգարքի քրեական հետախույզները, իրացնելով ստացված տեղեկությունները, Եղեգնուտ գյուղի տներից մեկի բակում ու ավտոտնակում հայտնաբերեցին մոտ 10 խմ փայտանյութ. Եղեգնուտի հարակից անտառից գյուղի բնակիչներից մեկը ապօրինի հատել էր 30 կանգուն ծառ։
Հունվարի 26-ին Գուգարքի քրեական հետախույզները դարձյալ Եղեգնուտում ստուգել են մի բեռնատար, որի թափքում 5,5 խմ փայտանյութ կար։ Վարորդը բեռի օրինականության վերաբերյալ համապատասխան փաստաթուղթ չի ներկայացրել։ Մեքենան տեղափոխվել է Գուգարքի բաժնի պահպանվող հատուկ տարածք։ Վարորդը ձերբակալվել է։
Երեք դեպքով էլ հանգամանքները քննությամբ պարզվում են։
Կարդացեք նաև
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՀՀ ոստիկանություն
