Եվրոպայի խորհրդի մարդու իրավունքների հանձնակատար Դունյա Միյատովիչը վերահաստատել է Լաչինի միջանցքով տեղաշարժը անհապաղ վերականգնելու անհրաժեշտության մասին իր հայտարարությունը։
Միյատովիչն այդ մասին գրել է «Թվիթեր»-ի իր միկրոբլոգում:
Դունյա Միյատովիչը նշել է, որ ներկա իրավիճակը ևս մեկ անգամ ցույց է տալիս հումանիտար աջակցության և մարդու իրավունքների հարցերով միջազգային առաքելությունների համար ազատ և անարգել հասանելիության ապահովման կարևորությունը բոլոր շրջաններ և մարդկանց, այդ թվում՝ Լեռնային Ղարաբաղի բնակչությանը։
Պետք է մշակել արդյունավետ և ճկուն մուտքի պայմաններ, որոնք թույլ կտան բոլոր իրավասու դերակատարներին, այդ թվում՝ Հանձնակատարի գրասենյակին, առաջնահերթ կարգով հասանելի լինել հումանիտար աջակցության և մարդու իրավունքների պաշտպանության կարիք ունեցողներին, նշել է հանձնակատարը։
Կարդացեք նաև
Թարգմանությունը՝ «Ազգ»-ի
The present situation shows once more the importance of ensuring free and unhindered access of humanitarian assistance and international human rights missions to all areas and people, including those residing in Nagorno-Karabakh. https://t.co/x1LMa83EgO
— Dunja Mijatovic (@Dunja_Mijatovic) January 27, 2023
