«Ապրելու երկիր» կուսակցության համահիմնադիր, Արցախի պետնախարարի խորհրդական Մեսրոպ Առաքելյանը ֆեյսբուքյան իր էջում գրում է.
«Արցախյան պատերազմից անմիջապես հետո Արցախ վերադարձավ ոչ միայն կացարաններ ունեցող բնակչությունը, այլ նաև տեղահանված քաղաքացիների մի մասը՝ չնայած դժվարություններին և անորոշությանը։
Արդյունքում, այսօր Արցախում ապրում է 120.000 քաղաքացի։ Ի դեպ, այդ թիվը հերթական անգամ ճշգրտվեց կտրոնների համակարգի ներդրման ժամանակ։ Չնայած դժվարություններին՝ արցախցու՝ իր հողում ապրելու որոշումն անբեկանելի է։ Անբեկանելի այնպես, ինչպես եղել է արցախյան առաջին պատերազմի ժամանակ, ինչպես եղել է խորհրդային ժամանակահատվածի ճնշումների փուլում, ինչպես եղել է դարեր շարունակ։
Հետևաբար այս ճգնաժամը նույնպես կանցնի՝ իր հետ տանելով թերահավատներին, թշնամու օրակարգ սպասարկողներին։ Եվ եթե ինչ-որ մարդիկ էլ դուրս կգան Արցախից, իրենց փոխարեն կգնան ուրիշները, իրենց փոխարեն կծնվեն նորերը՝ Արցախը պահելով հայկական՝ հիմա և միշտ»։
Կարդացեք նաև
