«Ամերիկայի ձայն». Նախկինում նմանատիպ միջոցներ էին ձեռնարկել Մեծ Բրիտանիան և ԵՄ-ը։
ԱՄՆ-ը միացել է Եվրամիությանը և Մեծ Բրիտանիային Իրանի դեմ նոր պատժամիջոցներ սահմանելու հարցում՝ ի պատասխան երկրում բողոքի ցույցերը ճնշելուն:
Պետքարտուղարության խոսնակ Նեդ Փրայսը լրագրողներին ճեպազրույցում ասել է, որ նոր պատժամիջոցներից տուժել է տասը մարդ, այդ թվում՝ Իրանի հետախուզության փոխնախարարը և Իսլամական հեղափոխության պահապանների կորպուսի գլխավոր հրամանատարները։
Փրայսը նշել է, որ պատժամիջոցները կոչված են «օգնելու իրանական ռեժիմին պատասխանատվության ենթարկել մարդու իրավունքների խախտումների համար»:
Կարդացեք նաև
«Այսօրվա գործողությունները ևս մեկ պատժամիջոց են, որը ձեռնարկվել է մեր դաշնակիցների և գործընկերների հետ սերտ խորհրդակցությամբ իրանական անհատների և կազմակերպությունների դեմ, որոնք կապված են իրանական իշխանությունների կողմից խաղաղ ցուցարարների դաժան և բռնի ճնշումների հետ», – ասել է Փրայսը:
