Ֆուտբոլի Հայաստանի ազգային հավաքականի նախկին ավագ Հենրիխ Մխիթարյանը տիտղոսներ է նվաճել գրեթե բոլոր ակումբներում, որտեղ խաղացել է։ Նրա հավաքածուի մեջ արդեն 20 մարզական տիտղոս կա։
21-րդ դարի Հայաստանի լավագույն ֆուտբոլիստը ի՞նչ գավաթներ է նվաճել իր կարիերայի ընթացքում։
Հենրիխ Մխիթարյանը ֆուտբոլային կարիերան սկսել է «Փյունիկում», որի հետ 4 անգամ նվաճել է Հայաստանի չեմպիոնի կոչումը, 1 անգամ՝ Հայաստանի գավաթը, 2 անգամ էլ՝ Հայաստանի վերնագավաթը։
Մխիթարյանը եւս 7 տիտղոսի արժանացել է Դոնեցկի «Շախտյորում»՝ 3 անգամ դառնալով Ուկրաինայի չեմպիոն, նույնքան անգամ՝ Ուկրաինայի գավաթակիր, 1 անգամ էլ նվաճելով այդ երկրի վերնագավաթը։
Կարդացեք նաև
Տեղափոխվելով Դորտմունդի «Բորուսիա»՝ Մխիթարյանն արժանացել է Գերմանիայի վերնագավաթին։
«Մանչեսթեր Յունայթեդի» կազմում Հենոն նվաճել է 3 գավաթ․ Լիգայի գավաթը, Անգլիայի վերնագավաթն ու Եվրոպայի լիգայի գավաթը։
Դառնալով արդեն «Ռոմայի» անդամ Մխիթարյանը անցած մրցաշրջանում դարձել է Կոնֆերենցիաների լիգայի գավաթի տիրակալ, իսկ օրերս նույն տիտղոսը նվաճել է արդեն «Ինտերի» հետ միասին։
Հենրիխ Մխիթարյանի ֆուտբոլային կարիերայում ընդամենը երկու ակումբ է եղել, որոնց կազմում նա տիտղոս չի նվաճել․ Դոնեցկի «Մետալուրգը» եւ Լոնդոնի «Արսենալը»։
Ինչպես տեսնում ենք, Մխիթարյանը ամենից շատ գավաթներ նվաճել է ազգային առաջնություններում՝ ընդհանուր առմամբ 7 գավաթ։ Ընդ որում, բոլոր երկրների, որտեղ խաղացել է։
Իսկ եթե մեր սիրելի ֆուտբոլիստը հասցնի հաղթել նաեւ Չեմպիոնների լիգայում, ապա կդառնա պատմության մեջ առաջին ֆուտբոլիստը, որը հաղթած կլինի բոլոր երեք եվրագավաթներում։
Աշոտ ՀԱԿՈԲՅԱՆ
