Բուլղարիայի նախագահ Ռումեն Ռադեւը կոչ է արել չզինել Ուկրաինային՝ հաշվի առնելով համաշխարհային կոնֆլիկտի ռիսկը։
Ինչպես հայտնում է Բուլղարիայի նախագահականի լրատվական ծառայությունը, Ռումեն Ռադեւը հայտարարել է․ «Ամենակարեւոր արժեքները խաղաղությունն են ու մարդու կյանքը։ Կիեւին սպառազինությունը մատակարարել՝ նշանակում է հրդեհը «հանգցնել» բենզինով։ Դա նշանակում է, որ զոհերի թիվն ավելի մեծ է լինելու։ Ուկրաինային ռազմական օգնություն ցուցաբերելը կնշանակի, որ համաձայն ես այն փաստի հետ, որ ռազմական գործողություններն ավարտվելու են կողմերից մեկի պարտությամբ, ինչը երկրին կներքաշի համաշխարհային կոնֆլիկտի մեջ եւ կունենա ավելի ծանր հետեւանքներ, ընդհուպ մինչեւ միջուկային ինքնաոչնչացում»։
Պատրաստեց Լուիզա ՍՈՒՔԻԱՍՅԱՆԸ
