Կառավարության երեկվա նիստի օրակարգում ընդգրկված էր օրենքի նախագիծ, որով դատախազների աշխատավարձից բացի նախատեսվում են նաեւ հավելավճարներ։ Հավելումը, որը դատախազները ստանալու են ամսական կտրվածքով, կլինի դրույքաչափի 92 տոկոսի չափով։ Ըստ օրենքի նախագծի հիմնավորման՝ դատախազների հավելավճարի համար կծախսվի տարեկան մոտ 2,5 միլիարդ դրամ, խոսքը 432 դատախազի մասին է։
Նշենք, որ դատախազները մոտ 600 հազար դրամ աշխատավարձ են ստանում։ Հատկանշական է, որ այս նախագիծը կառավարության օրակարգում քննարկվել է ճիշտ նույն օրը, երբ տեղի ունեցավ, Փաշինյանի բնորոշմամբ, 15 զինվորի այրվելու «հրեշավոր» դեպքը: Փաստորեն, մինչ Փաշինյանին քննադատում էին բանակում կենցաղային ոչ պատշաճ պայմաններ ապահովելու համար եւ նկատում, որ ամեն ինչի համար փող կա, իսկ անվտանգային հարցերի համար՝ ոչ, բյուջեի վրա մի նոր բեռ է դրվում` դատախազների հավելավճարների տեսքով։
Լուսինե ՇԱՀՎԵՐԴՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում:
