Հայ-ադրբեջանական սահման Հավաքական անվտանգության պայմանագրի կազմակերպության (ՀԱՊԿ) առաքելություն ուղարկելու մտադրությունը շարունակում է մնալ ուժի մեջ, իսկ այնտեղ եվրոպացի դիտորդների տեղակայումը կարող է «հակաարդյունավետ լինել»: Այս մասին հայտարարել է Ռուսաստանի արտգործնախարար Սերգեյ Լավրովը 2022թ. արդյունքներն ամփոփող մամուլի ասուլիսում:
«Մեզ մոտ մինչ այժմ կա պատրաստակամություն ՀԱՊԿ առաքելություն ուղարկել Հայաստանի և Ադրբեջանի սահման», -ասել է նա:
Լավրովը նաև նշել է, որ առանց Բաքվի համաձայնության ԵՄ դիտորդական առաքելության տեղակայումը կարող է ստեղծել «դիվանագիտական գրգռիչներ»:
«Չնայած նրան, որ մենք դաշնակիցներ ենք, և որ [ՀԱՊԿ] առաքելությունն ամբողջությամբ պատրաստ է, հայկական կողմը նախընտրում է պայմանավորվել ԵՄ-ի հետ, որպեսզի այնտեղ երկարաժամկետ տեղակայվի քաղաքացիական դիտորդների առաքելություն,- ասել է նա: -Դա Ադրբեջանի հետ սահմանն է, և թերևս, եթե այդ առաքելությունը տեղակայվի առանց Ադրբեջանի համաձայնության, այն կարող է պարզապես հակաարդյունավետ լինել: Սահմանին վստահության ամրապնդման փոխարեն այն կարող է ստեղծել դիվանագիտական գրգռիչներ»:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
