ԵԽԽՎ–ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի տելեգրամյան գրառումը
Ըստ էության, Արցախի քաղաքական դաշտում բուռն խմորումներ են գնում: Ռուբեն Վարդանյանը քիչ առաջ հրապարակային հայտարարեց, որ չի պատրաստվում հրաժարական տալ, նաև ողջախոհության կոչ արեց: Ես չեմ ուզում դավադրապաշտական տեսությունների հետևից գնալ, բայց մի բան գիտեմ, Վարդանյանի հրաժարականը կամ Արցախում ընթացող ներքաղաքական «գզվռտոցները» միմիայն նվեր են դառնալու Ադրբեջանի համար:
Վստահեցնում եմ՝ Ալիևի այդ նվերը չի գնահատի: Ամեն զիջումից հետո նոր բան են պահանջելու: Կարևոր է, որ թե՛ Հայաստանում, թե՛ Արցախում քաղաքական հասունություն դրսևորեն, մի կողմ դնեն իրենց անձնական ամբիցիաներն ու էմոցիաները, չգնան այլ օրակարգերով և թույլ չտան քայլեր, որոնք մեծ վնաս են հասցնելու երկու հայկական պետություններին:
Առանց այն էլ վերջին երեք տարվա ընթացքում կորուստների պակաս չունենք: Պատասխատվությունը դա բառ չէ, դա ընկալում է, դա աշխատանք է, կամք: Հուսամ՝ իրոք ողջախոհություն կցուցաբերենք և այս ճգնաժամից հերթական կորուստով դուրս չենք գա, որովհետև այդ կորուստները անդառնալի հետևանքներ են ունենում բոլորիս համար…
