Արարատի և Վայոց ձորի մարզերի առաջին ատյանի ընդհանուր իրավասության դատարանի Արտաշատի նստավայրում ավարտվեց ՀՅԴ Արարատի Մարզային կոմիտեի անդամ Գառնիկ Մանուկյանին կալանավորելու միջնորդության քննությունը։ Դատարանը որոշեց բավարարել քննիչի միջնորդությունը, և Գառնիկ Մանուկյանը կալանավորվեց։ Այս մասին իրենց ֆեյսբուքյան էջերում տեղեկացնում են «Հայաստան» խմբակցության պատգամավորներ Թադեւոս Ավետիսյանը եւ Քրիստինե Վարդանյանը։
Փաստաբան Արսեն Բաբայանն էլ իր ֆեյսբուքյան էջում հայտնում է․ «Դատարանը ՀՅԴ կուսակցության Արտաշատի տարածքային կառույցի ղեկավար, Արտաշատ համայնքի ավագանու խմբակցության ղեկավար Արտավազդ Մարգարյանին կալանավորելու միջնորդությունը մերժեց: Ձերբակալությունն էլ ճանաչվեց ոչ իրավաչափ: Արտավազդ Մարգարյանը շուտով կլինի ազատության մեջ»։
