«Կա բրյուսելյան տարբերակ. ի՞նչ է պայմանավորվել Փաշինյանը մեր մեջքի ետեւում: Նա համաձայնվել է, որ Ստեփանակերտը բանակցի «Բաքվի տակ», ոչ թե Բաքվի հետ»,- այսօր ՀՀԿ ԳՄ նիստից հետո, լրագրողների հետ զրույցում ասաց, ՀՀԿ փոխնախագահ Արմեն Աշոտյանը:
Հիշեցնենք, ընդունած հայտարարության մեջ, ՀՀԿ ԳՄ-ն պահանջում է, որպեսզի Նիկոլ Փաշինյանը անհապաղ հրապարակի բոլոր այն բանավոր պայմանավորվածությունները, որոնք ինքը ձեռք է բերել 2020 թվականի նոյեմբերի 9-ից հետո:
«Բրյուսելյան փաստաթղթում դա գրված է եւ նա պետք է բացահայտի այդ փաստաթուղթը, այդ պայմանավորվածությունը, որովհետեւ Ստեփանակերտ- Բաքու երկխոսություն չի լինելու: Եթե այդպիսի ճանապարհով գնա իրադարձությունների զարգացումը, լինելու է Բաքվի թելադրություն՝ հայաթափվող Ստեփանակերտին, ուրիշ ոչինչ: Որովհետեւ այն փաստաթղթերի մասին, որոնց մենք տեղյակ ենք, բայց հրապարակել չենք կարող, պարտավոր է խոսել Նիկոլ Փաշինյանը, բացել բոլոր խաղաթղթերը, որ խաղարկում է երեք տարբեր աշխարհաքաղաքական սեղանների վրա՝ Վաշինգտոնում, Բրյուսելում եւ Մոսկվայում»,- ասաց Արմեն Աշոտյանը:
Կարդացեք նաև
Նելլի ԳՐԻԳՈՐՅԱՆ
