«Ամերիկայի ձայն». Հանձնաժողովը շեշտում է՝ Ադրբեջանը բարոյական պատասխանատվություն է կրում Ղարաբաղի հայերի բարեկեցության ապահովման համար
ԱՄՆ Հելսինկյան հանձնաժողովը, որը 1975 թվականին ԱՄՆ Կոնգրեսի կողմից Հելսինկյան եզրափակիչ ակտի և ԵԱՀԿ-ի այլ պարտավորությունների կատարումը վերահսկելու և խրախուսելու համար ստեղծված ամերիկյան անկախ պետական գործակալություն է, թվիթերյան գրառման մեջ կոչ է արել «անհապաղ» վերաբացել Լաչինի միջանցքը: Հանձնաժողովի երկու գրառումների մեջ, մասնավորապես, ասվում է.
«Լաչինի միջանցքով առևտրի և տարանցման արգելափակումը նպաստում է Ղարաբաղում հումանիտար աղետի առաջացմանը և պետք է անհապաղ վերացվի։ Ադրբեջանը բարոյական պատասխանատվություն է կրում Ղարաբաղի հայերի բարեկեցության ապահովման համար»:
Մեկ այլ գրառման մեջ հանձնաժողովը հավելում է.
Կարդացեք նաև
«Այս անհանգստացնող իրավիճակը ևս մեկ վկայություն է, որ Ռուսաստանը հուսալի անվտանգության մատակարար չէ, և ոչ էլ լեգիտիմ միջնորդ խաղաղության համար Հարավային Կովկասում կամ այլուր։ Հերթական անգամ Մոսկվան որպես գործիք է օգտագործում հայկական և ադրբեջանական տառապանքները սեփական ցինիկ, դաժան շահերը հետապնդելու համար»,- նշել է հանձնաժողովը:
