Քիչ առաջ Իջևանի համայնքապետարանի նիստերի դահլիճում ավարտվեց համայնքի ավագանու արտահերթ նիստը։ Օրակարգի գլխավոր հարցը Իջևան համայնքի 2023թ-ի բյուջեի նախագիծն էր։ Ավագանու միաձայն որոշմամբ այն ընդունվեց։ Ըստ նախագծի, բյուջեի եկամուտները կկազմեն 1843539.4 հազ. դրամ, ծախսերը՝ 1856398.1 հազ. դրամ, դեֆիցիտը՝ 12858.7 հազ. դրամ։ Իջևան համայնքի 2023 թվականի բյուջեի նախագծով ծախսերի ծավալը ծրագրվել է՝ 2 060 771,4 հազ․դրամ։
Ծախսերի ամբողջ ծավալի շուրջ 90․1 տոկոսը կամ 1 856 398,7 հազ․դրամը բաժին է ընկնում ընթացիկ ծախսերին (վարչական բյուջե) և 204 373,3 հազ․դրամ կամ 9,9 տոկոսը ոչ ֆինանսական ակտիվների գծով ծախսերին (ֆոնդային բյուջե)։
Նախագծով նախատեսված բյուջետային ծախսերի ծավալներում սոցիալական բնագավառի՝ (կրթություն,սոցիալական ապահովություն) ծախսերի տեսակարար կշիռը կազմում է 37,5 տոկոս, շրջակա միջավայրի պաշտպանությանն ուղղված է ծախսերի 4․0 տոկոսը, բնակարանային շինարարություն և կոմունալ ծառայություններ՝ 2,1 տոկոս։ Մշակույթին ուղղված ծախսերի տեսակարար կշիռը կազմում է 6,0 տոկոս։
Կարդացեք նաև
Նախատեսվել է նաև պահուստային ֆոնդ 66 240.3 հազ․դրամի չափով (վարչական եկամուտների 8,4 տոկոս)։ Օրակարգի մնացած հարցերը վերաբերում էին համայնքի մի շարք հողատարածքների նպատակային նշանակության փոփոխությանը։
Լիա ՃԱՂԱՐՅԱՆ
