«2023 թվականը, բնականաբար, ավելի դժվար տարի է լինելու, քանի որ մտել ենք 2023թ շրջափակված Արցախով, հուսահատված հայ ժողովրդով, եւ դավաճանները շարունակում են պահել իշխանությունը, ուժային կառույցները, հանձնել Հայաստանը եւ հայերին»,-«Հայելի» ակումբում նշեց ռեժիսոր Հովհաննես Իշխանյանը։
Նրա խոսքով, մյուս կողմից հուսադրող է այն, որ այս երկու տարվա ընթացքում հանրության մտածող մասը բավականին կոփվել է ու գտել միմյանց․ «Այժմ ավելի ենք հավատում մեր նպատակներին, շարժվելու ենք առաջ, մինչեւ ազատագրվի Հայաստանը, իսկ դավաճանները կրեն իրենց համապատասխան պատիժը»։
Հովհաննես Իշխանյանը հավելում է․ «Արցախի հետ մշտական կապի մեջ եմ, Արցախում կոչ են անում այստեղ համախմբվենք, ազատվենք դավաճաններից եւ իրենք հայության այդ փոքր հատվածով շարունակում են ողջ հայ ժողովրդի համար պահել մեր արժանապատվությունն ու հույսը՝ իրենց զրկանքների գնով։ Արցախը տոկուն է, արցախցիների կյանքում նոր չէ նման իրավիճակը։ Տարօրինակ չէ, որ Հայաստանում հայախոս թուրքերի կողմից ատելությունը հենց արցախցիների հանդեպ է, որովհետեւ ամենադիմադրողը նրանք են։ Արցախցիներն ամուր են, միմյանց հանդեպ պահում են եղբայրությունը, իսկ այդտեղ դավաճան են, կամակատարությամբ են ապրում»։
Նրա խոսքով, ներկայումս արժեքների բախում է գնում, ասես հերոսների ու ուրացողների պայքար լինի, հերոսները պայքարում են, իսկ ուրացողները շինծու դատական գործեր են հարուցում բոլորի վրա։
Կարդացեք նաև
Գոհար ՀԱԿՈԲՅԱՆ
