ԵԽԽՎ–ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի տելեգրամյան գրառումը
Նիկոլ Փաշինյանն այնպես արեց, որ ադրբեջանական մեդիան դեռևս միայն Փաշինյանի ասուլիսն է լուսաբանում:
Ես դեռևս ամբողջությամբ չեմ լսել Փաշինյանի ասուլիսը, բայց երբ մի պահ միացրեցի, երբ հերթական անգամ Փաշինյանը համոզում էր, որ աշխարհում բոլորը ճանաչել են Արցախն Ադրբեջանի մաս ու իրենք բան չենք կարող անել: «Պետք չի դեմ գնալ միջազգային հանրությանը»,–սա էր Փաշինյանի միտքը:
Դեռ մի կողմ թողնենք, որ սա կեղծ պնդում է, եթե նման բան լիներ ՄԱԿ–ի ԱԽ հինգ մշտական անդամներից երեքը՝ ՌԴ-ն, ԱՄՆ-ն ու Ֆրանսիան (ԵԱՀԿ ՄԽ անդամ) երկրները, որոնք տասնամյակներ շարունակ վարում էին բանակցային գործընթացը, չէին ֆիքսի ազգերի ինքնորոշման իրավունքը որպես երեք հիմնարար սկզբունքներից մեկը: Դա էր երաշխավորելու Արցախի ճակատագիրը:
Կարդացեք նաև
Բայց վերադառնանք Փաշինյանի ասածին, եթե անգամ ամբողջ աշխարհը կանգնել ասում է Արցախը Ադրբեջանի մաս է, հետո էլ Արցախում սկսվում են էթնիկ զտումներ, մենք ի՞նչ՝ պետք է հարմարվենք աշխարհին, լուռ նայենք, թե ինչպե՞ս են ցեղասպանում մեր հայրենակիցներին: Սա հիշեցնում է 1915 թ. իրադրությանը, երբ հաճախ մի գավառում կոտորում էին մեզ, իսկ մյուս գավառում հայերը չէին գիտակցում, որ դրանով իրենց հերթն է մոտենալու…
Ցավալի է, որ անգամ Ալիևի «Արևմտյան Ադրբեջանի» թեզը, որով ներկայիս ՀՀ–ն «Ադրբեջանի պատմական հողն է» չօգնեց Փաշինյանին ու նրա քաղաքական թիմին որևէ բան հասկանալ հարևան հակառակորդից:
