Այսօր հրավիրած ասուլիսում վարչապետ Նիկոլ Փաշինյանին հարցրեցին՝ ընդդիմությունը ձեզ մեղադրում է հետեւյալի մեջ՝ պատերազմ, շրջափակված Արցախ, օկուպացված տարածքներ, զոհեր, մարտահրավերներ, պատճառաբանում են, թե դուք եք իշխանության, դրա համար է այս իրավիճակը, սրա հետ մեկտեղ դեմ են արտաքին հետախուզմանը: Կխնդրեինք վերլուծել այս հակասող տեղեկությունները:
Փաշինյանը պատասխանեց, որ ցանկացած իրավիճակի պատասխանատուն երկրում իշխանությունն է, բարեփոխումների ու ձախողումների պատասխանատուն ինքն է. «Երբեք չեմ խուսափել քաղաքական պատասխանատվություն կրելուց ու այդ պատասխանատվությունն այն էր, որ ես հրաժարական տվեցի ու արտահերթ ԱԺ ընտրություններ եղան: Եթե մենք ուզում ենք խնդիրները լուծել, պետք խնդիրների ենթատեքստը հասկանալ: 2020-ի պատերազմին նախորդել է 2016-ի պատերազմը: Մենք նաեւ այսօր ԼՂ հարցը եւ այս ամբողջ պատմությունը ավելի լավ հասկանալու անհրաժեշտություն ունենք: Ի վերջո պիտի արձանագրենք, որ այս պատմությունը ՀՀ պետականության մասին է, նրա մասին, թե ինչպես ենք ժամանակն օգտագործում՝ մեր պետության ինստիտուցիոնալ կայացման համար»:
Նա ասաց, որ բացառում է, որ որեւէ մեկը իրեն ավելի խիստ մեղադրանքներ ներկայացնի, քան ինքն իրեն. «Ասում են՝ Ղարաբաղի հարցը կարելի էր լուծել: Կարելի էր լուծել՝ լուծեիք, ո՞վ էր ձեզ խանգարում»:
Կարդացեք նաև
Հռիփսիմե ՋԵԲԵՋՅԱՆ
