Արդարությունն ու ազգային շահը պահանջում է արձանագրել, որ Գյումրու ռազմաբազայի դիմաց կազմակերպած ցույցը և Լաչինի միջանցքի փակված ճանապարհն իրար հետ կապ ունեին այնքանով, որքանով, ասենք, ԱՄՆ-ի հնդկացիական ցեղերի և Ռուսաստանի չուկչաների առերևույթ խախտված իրավունքների նմանությունը։
Արդարությունն ու ազգային շահը պահանջում է արձանագրել, որ երեսուն տարիների ընթացքում հայ-թուրքական սահմանին մեկ կրակոց չի եղել, և եթե ոմանք դա պատճառաբանում են միջազգային հանրության և գերտերություններով պայմանավորված, ապա Արցախում 120000 բնակչի պատանդ վերցնելու, ցեղասպանելու տոտալ գործողություններն ու այդ հանրության ու գերտերությունների խոսքից գործի չանցնելը լավագույն պատասխանն է վերը նշվածին։
Արդարության շահը պահանջում է լրագրողական հետաքննություն անցկացնել և հանրությանը տեղեկացնել, թե այդ ցույցի կազմակերպիչներից քանի տոկոսն է մասնակցել քառասունչորսօրյա պատերազմին։
Իրավամբ, եթե ցանկանում եք, որպեսզի բացվի ճանապարհը, քայլ արեք դեպի Արցախ, պահանջեք, որպեսզի ճանապարհն ազատեն, եթե իհարկե ձեր պատվիրատուների ցանկությունը ճանապարհ բացելն է, ոչ թե պետության ու հայության վերջնական բնաջնջումը բնօրրանից։
Կարդացեք նաև
Լևոն Բաղդասարյան, փաստաբան
