Ձյան առատ տեղումների և ցածր ջերմաստիճանի պատճառով Ստեփանակերտ-Վանք ավտոճանապարհի «Ցեխ ձոր» հատվածում, Ականաբերդ տանող ճանապարհին, Ստեփանակերտ-Ննգի-Մարտունի միջշրջանային մայրուղու «Բովուրխան»-ի հատվածում, Մարտունի-Բերդաշեն (ոլորաններ), Լիսագոր-Բերդաձորի ենթաշրջան ավտոճանապարհներին և միջհամայնքային ու միջշրջանային բարձրադիր գոտիներում`առկա է մերկասառույց։
Երթևեկությունը դժվար է հատկապես կցորդիչով մեքենաների համար։
Մաքրման, աղի ու ավազի մշակման աշխատանքներից հետո մայրաքաղաք Ստեփանակերտում ճանապարհներն անցանելի են։
ՆԳ նախարարությունն իրազեկում է, որ հունվարի 10-ից 12-ը հանրապետության առանձին շրջաններում սպասվում է ձյան տեսքով տեղումներ։
Կարդացեք նաև
Վարորդներին խորհուրդ է տրվում երթևեկել բացառապես ձմեռային անվադողերով։
ԱՀ ՆԳՆ արտակարգ իրավիճակների պետական ծառայություն
