ՏԱՍՍ. Թուրքիայում հույս ունեն, որ Ուկրաինայում Ռուսաստանի կողմից հայտարարված հրադադարի ռեժիմը կերկարաձգվի: Այս մասին հայտարարել է Թուրքիայի նախագահի խոսնակ և գլխավոր խորհրդական Իբրահիմ Քալընը։
Նրա խոսքով, Անկարան պատրաստ է բոլոր ջանքերը գործադրել ռազմական գործողությունները դադարեցնելու երկխոսության համար պայմաններ ստեղծելու։
«Մեր կարծիքով՝ հրադադարը պետք է տևի ոչ թե 36 ժամ, այլ` ավելի երկար։ Կողմերի միասնական որոշում դեռևս չի կայացվել այս հարցում, ինչը վկայում է փակուղու մասին, որում գտնվում են հակամարտող կողմերը»,- ասել է Քալընը:
«Երկխոսության գաղափարին պետք է աջակցեն ինչպես Ռուսաստանի Դաշնությունում, այնպես էլ Ուկրաինայում, ինչպես նաև ՆԱՏՕ-ում և ԱՄՆ-ում»,- նշել է Թուրքիայի նախագահի խոսնակ և գլխավոր խորհրդականը։
