Ամփոփվել են 2022 թվականի «Լավագույն ուսանող» հանրապետական մրցույթի արդյունքները. հաղթող է ճանաչվել հանրապետության տարբեր բուհերի 33 ուսանող: ԵՊՀ–ից մրցույթին մասնակցելու համար ընտրվել է 8 ուսանող, որոնցից 7-ը զբաղեցրել են մրցանակային տեղեր։
Ամենամյա մրցույթի նպատակն է բացահայտել և խրախուսել բարձր առաջադիմություն ունեցող և ուսումնառության ընթացքում ակտիվություն ցուցաբերած ուսանողներին, ինչպես նաև աջակցել նրանց մասնագիտական հետագա կատարելագործման հարցում:
Հանրապետական մրցույթն անցկացվել է՝ ըստ կրթական աստիճանների՝ բակալավր ու մագիստրոս, և ըստ ոլորտների՝ բնագիտություն, հասարակագիտություն, հայագիտություն, հումանիտար, բժշկություն, ճարտարագիտություն և մշակույթ-սպորտ:
2022 թ. «Լավագույն ուսանող» հանրապետական մրցույթի ԵՊՀ մրցանակակիր ուսանողներն են Րաֆֆի Շահմուրադյանը (կենսաքիմիա, 4-րդ կուրս), Արևիկ Ղռմաջյանը (կենդանաբանություն և մակաբուծաբանություն, մագ. 2-րդ կուրս), Աշոտ Մկրյանը (հայոց լեզու և գրականություն, մագ. 2-րդ կուրս), Հասմիկ Ափրեյանը (փիլիսոփայություն, 3-րդ կուրս), Նարե Շալունցը (լեզվաբանություն (կիրառական լեզվաբանություն, մագ. 2-րդ կուրս), Մարիամ Տաշյանը (սերվիս, 4-րդ կուրս), Գայանե Լալայանը (կառավարման հոգեբանություն, մագ. 2-րդ կուրս)։
Կարդացեք նաև
Նշենք, որ 1-ին տեղը զբաղեցրել է 13 ուսանող, 2-րդ տեղը՝ 12, իսկ 3-րդ տեղում եղել է 8 ուսանող, որոնց կշնորհվեն կրթաթոշակներ։ Մասնավորապես 1-ին տեղը զբաղեցրած ուսանողներին կշնորհվի 458.000-ական, 2-րդ տեղը զբաղեցրած ուսանողներին՝ 348.500-ական և 3-րդ տեղը զբաղեցրածներին՝ 233.000-ական դրամ կրթաթոշակ:
ԵՊՀ
