2022-ի դեկտեմբերին ուժի մեջ մտավ ոստիկանությունը Ներքին գործերին նախարարություն դարձնելու մասին օրենքը: Հիմա կառավարությունը պետք է սահմանի դրա ենթակա մարմինները: Կառավարության նախագծով առաջարկվում է ՆԳՆ-ի ենթակայությանը հանձնել ոստիկանությունը, փրկարար ծառայությունն ու միգրացիայի եւ քաղաքացիության ծառայությունը, ուժը կորցրած է ճանաչվում Արտակարգ իրավիճակների եւ միգրացիոն ծառայության պարբերությունը:
Վարչապետ Փաշինյանն ասաց, որ ԱԻՆ-ը դեռեւս 4 ամիս կշարունակի գոյություն ունենալ՝ այս փոփոխությունների ընթացքը անցնցում ապահովելու համար. «Ավելի արդյունավետ մարմին ենք ստեղծում մեր պատկերացմամբ: Այս ոլորտում քաղաքականությունը մշակում էր հիմնականում արդարադատության նախարարությունը, հիմա, հաշվի առնելով ԱՆ-ի ծանրաբեռնվածությունը եւ պրոֆիլային գործունեության նրբությունները, մենք այս որոշումն ենք կայացրել: Նախարարության մոդելը մենք արդեն իսկ կիրառել ենք ՊՆ-ում, ոստիկանության պետը եւ Փրկարար ծառայության պետը միեւնույն ժամանակ կլինեն ՆԳ նախարարի տեղակալներ, նախարարը կունենա նաեւ երկու քաղաքացիական գործերով տեղակալ»:
Փաշինյանն ասաց, որ կարեւորում է, որ օր առաջ մեկնարկի ոստիկանների եւ փրկարար ծառայողների կամավոր ատեստավորման գործընթացը, որի միջոցով աշխատավարձը առնվազն կկրկնապատկվի եւ նոր որակ կլինի:
Որոշումն ընդունվեց միաձայն:
Կարդացեք նաև
Հռիփսիմե ՋԵԲԵՋՅԱՆ
