ТАСС. ԱՄՆ 45-րդ նախագահ Դոնալդ Թրամփի ազգային անվտանգության գծով նախկին խորհրդական Ջոն Բոլթոնը կարծիք է հայտնել, որ Թուրքիայի անդամակցությունը ՆԱՏՕ-ին պետք է հարցականի տակ դրվի 2023 թվականին՝ հակառուսական կոշտ հակազդեցությանը թուրքական իշխանությունների անպատրաստ լինելու հետևանքով։
Նրա խոսքով՝ առաջիկա ամիսներին Արևմուտքի միասնականությունն ու վճռականությունը իրապես փորձության կենթարկվեն։
«Ֆինլանդիան և Շվեդիան ՆԱՏՕ-ին միանալու ապշեցուցիչ որոշում են կայացրել, սակայն Ռուսաստանի առևտրային և ռազմական գործընկերները դեռևս չեն լքել նրան կարիքի մեջ, այդ թվում, ցավոք, Թուրքիան, որի անդամակցությունը ՆԱՏՕ-ին պետք է հարցականի տակ դրվի 2023 թվականին, եթե նախագահ Ռեջեփ Թայիփ Էրդողանը (հավանաբար կեղծիքով) կվերընտրվի», – The Daily Telegraph-ում իր հոդվածում գրել է Բոլթոնը։
