Մարդու իրավունքների պաշտպանը մանդատ չունի դիմելու որևէ դատարանի, բայց տեղյակ ենք, որ Միջազգային իրավական ներկայացուցչի գրասենյակը նամակ էր ուղղել Հաագայի դատարանին՝ ներկայացնելով Լաչինի իրավիճակը, որն Արցախի հայության նկատմամբ իրականցվում է ադրբեջանական էթնիկ ատելության քաղաքականության հիմքով։ Այս մասին, կառավարության նիստից հետո լրագրողների հետ զրույցի ընթացքում, ասաց ՄԻՊ Քրիստիննե Գրիգորյանը։
Հարցին, թե արդյո՞ք համարժեք են միջազգային իրավական կառույցների գնահատականները Լաչինի միջանցքի հետևանքով առաջացած արցախահայության իրավունքների նկատմամբ՝ Գրիգորյանն ասաց. «18 օրերի ընթացքում շատ կարևոր դերակատարներ, նաև կազմակերպություններ, շատ ուղիղ և հասցեական գնահատականներ են հնչեցրել, այդ թվում ՄԱԿ-ի անվտանգության խորհրդում քննարկվեց Լաչինի հարցը, ինչպես նաև Եվրոպայի մարդու իրավունքների հանձնակատարի կողմից եղավ գնահատական»։
Նրա խոսքով, շարունակվող բլոկադան հիմք է տալիս պնդելու, որ գնահատականներն այլևս չեն բավարարում, որովհետև իրավիճակը դրանից չի փոխվում և անհրաժեշտ է անցնել գործողությունների։
«Ես կոչ եմ արել ՄԱԿ-ի մարդու իրավունքների խորհրդին ուղարկել փաստահավաք առաքելություն Լաչինի միջանցք տեղում իրավիճակը հասկանալու և հետևությունների համար հիմք ունենալու համար»,- ամփոփեց Քրիստիննե Գրիգորյանը։
Կարդացեք նաև
Լուսինե ՄԱՐԳԱՐՅԱՆ
