Լեռնային Ղարաբաղում տեղակայված ռուս խաղաղապահներին ՄԱԿ-ի մանդատ տալու, ինչպես նաև միջազգային ուժեր ներգրավելու հարցը պետք է ստանա հակամարտող երկու կողմերի՝ Հայաստանի և Ադրբեջանի համաձայնությունը: Նման հայտարարություն արել է Կրեմլի խոսնակ Դմիտրի Պեսկովը՝ մեկնաբանելով Հայաստանի վարչապետ Նիկոլ Փաշինյանի համապատասխան հայտարարությունը:
«Միջազգային խաղաղապահները կարող են ներգրավվել, եթե դրա համար կա հակամարտության երկու կողմերի համաձայնությունը: Եվ դա ոչ միայն Հայաստանն է, այլև Ադրբեջանը»,- ասել է նա:
Պեսկովը նաև նշել է, որ Հայաստանը Ռուսաստանի «ամենամոտ դաշնակիցներից մեկն է», իսկ Ադրբեջանը՝ «արժեքավոր գործընկեր»: «Եվ Ռուսաստանի Դաշնությունը շարունակում է և կշարունակի իր միջնորդական ջանքերը՝ առաջին հերթին իրականացնելով այն պարտավորությունները, որոնք ձեռք են բերվել եռակողմ հիմքով»,- ասել է Պեսկովը:
Պատրաստեց Վիկտորյա ԱՆԴՐԵԱՍՅԱՆԸ
Խաղաղապահ ուժեր կարող է ներգրավել նաև ՄԱԿ ի անվտանգության խորհուրդը և պեսկովը դա լավ գիտի բայց Կրեմլին հատուկ կիսաճշմարտությունների ու ստերի արանքում է գործում