Երեւանի փողոցներում ցերեկային (ոչ «պիկ») ժամերին խցանումներ են. մարդիկ դուրս են եկել ամանորյա առեւտրի: Սուպերմարկետներում աշխուժություն է տիրում. 2021, 2022 եւ 2023 թվականների նախաամանորյա այս վիճակը ոչնչով չի տարբերվում նախորդ տարիների վիճակից, երբ չկար պարտություն եւ ազգային նսեմացում: Այսօր առավել եւս այս աժիոտաժն ինձ տարօրինակ է թվում: Մեր 120 հազար հայրենակիցները շրջափակման մեջ են գտնվում, կտրված են արտաքին աշխարհից, սննդամթերքի, վառելիքի, դեղորայքի սուր անհրաժեշտություն ունեն: Իսկ Երեւանում «կորպորատիվ» երեկույթների թեժ շրջան է՝ տոնական լույսեր, խնջույքներ, պարեր, դեկոլտեներով կանայք եւ այլն:
Դուք կհարցնեք, թե որտեղի՞ց ես այդ ամենը գիտեմ: Դե, իհարկե, համացանցից՝ ֆեյսբուքի ժապավենի ամեն երկրորդ նկարը կամ տեսանյութը այդ քեֆ-ուրախություններից է: Մարդիկ ուրախանում են եւ ցանկանում են կիսվել իրենց ուրախությամբ՝ դա այլ հանգամանքներում միանգամայն բնական ցանկություն կլիներ:
Իհարկե, ոչ ոք իրավունք չունի ասելու՝ մի՛ պարեք, մի՛ երգեք, Նոր տարի մի՛ նշեք, կամ՝ ծա՛փ տվեք, արա: Միայն տոտալիտար երկրներում է պետությունը որոշում, թե երբ է պետք տխրել կամ ուրախանալ: Մնացած բոլոր քաղաքական ռեժիմների ժամանակ դա ամեն մի անհատի անձնական գործն է: Եթե անհատը, ընտանիքը կամ աշխատանքային կոլեկտիվը գտնում է, որ տոնելու, ուրախանալու առիթ ունի, ոչ ոք նրանց չի կարող դա արգելել:
Միակ բանը, որը ես կարող եմ խնդրել՝ միանալով իմ երիտասարդ գործընկերոջը, Արման Ղարիբյանին՝ ցուցաբերել նրբանկատություն եւ չհանրայնացնել այդ քեֆերի, այդ ճոխ սեղանների լուսանկարներն ու տեսագրությունները: Խնդրել, ոչ թե պահանջել կամ դատել:
Կարդացեք նաև
…Անձամբ ինձ համար տոնը վաղուց արդեն Սուրբ Ծնունդն է: Աստված տա, մինչեւ այդ օրը մեր քույրերի եւ եղբայրների առջեւ մի դուռ կբացվի:
Արամ ԱԲՐԱՀԱՄՅԱՆ
«…Անձամբ ինձ համար տոնը վաղուց արդեն Սուրբ Ծնունդն է: Աստված տա, մինչեւ այդ օրը մեր քույրերի եւ եղբայրների առջեւ մի դուռ կբացվի:»
«На Бога надейся, а сам не плошай”:
Ամբողջ Եվրոպան, Ամերիկան, Աֆրիկան և Ավստրալիան արդեն նշել են Հիսուս Նազովրեցիի- Հրեաների թագավորի «Սուրբ Ծնունդը»: Դեկտեմբերի 22-ին արևը կանգ է առնում, դեկտեմբերի 23-ին մութ է, դեկտեմբերի 24-ին ծնվում է Արևը։ Բոլոր կրոններում տեղական Աստվածները ծնվում են դեկտեմբերի 24-ին:
Ինչո՞ւ թողեցին Արարչի հավատքը և գնացին կրոն ստեղծողների կամ նրանց լրտեսների հետևից:
Որովհետև ավելի լավ է ունենալ մեկ Մարկուս Վոլֆ, քան մեկ միլիոն Սերժ Սարգսյաններ ։
Ավելի լավ է ունենալ մեկ Մարիուս Յուզբաշյան, քան տասը միլիոն Անդրանիկ Քոչարյաններ:
Ավելի լավ է ունենալ մեկ Ռազմիկ Վասիլյան, քան քսան միլիոն Վազգեն Սարգսյաններ.
Ավելի լավ է ունենալ մեկ Անտոն Քոչինյան, քան երեսուն միլիոն ԼՏՊ-ներ։
Ավելի լավ է մեկ առնետ պահել վանդակում, քան լևոնական Հայաստանի բոլոր պաշտոնյաներին:
Կերեք խոզի բուդ, զվարճացեք, խմեք Փաշինյանի և նրա կնոջ կենացը ու աղ ու հացով դիմավորեք թուրքերին։
«Ոչխարները կերան մարդկանց»
Թոմաս Մոր (Ուտոպիա) 16-րդ դար
Այս մեկնաբանությունը կարող եք նույնպես չտպել: