Սելենն անփոխարինելի հանքանյութ է, որն անհրաժեշտ է մեր օրգանիզմին ոչ մեծ քանակությամբ, սակայն դրա անբավարարությունը կապվում է մի շարք հիվանդությունների զարգացման վտանգի հետ, սակայն օրգանիզմում սելենի՝ նորմայից բարձր մակարդակը նույնպես վտանգավոր է։
Սելենի ցածր մակարդակը կապվում է ոսկրերի միներալային խտության նվազման հետ
Մի քանի հետազոտությունների հեղինակները դիտարկել են սելենի մակարդակի կապը ոսկրերի միներալային խտության և վահանաձև գեղձի աշխատանքի հետ։
BMC Musculoskeletal Disorders-ում հրապարակված հետազոտությունում գիտնականներն ուսումնասիրել են Չինաստանում միջին և ավելի բարձր տարիքի մարդկանց շրջանում սննդային սելենի և օստեոպորոզի միջև կապը։
Կարդացեք նաև
Հետազոտությանը մասնակցել են 6267 պացիենտներ, որոնց շրջանում օստեոպորոզի տարածվածությունը 9,6% էր։ Թե՛ տղամարդկանց, թե՛ կանանց շրջանում օստեոպորոզի բարձր ցուցանիշները կապվել են սելենի ցածր մակարդակի հետ։
Սելենը կարևոր դեր է խաղում սրտի առողջության համար
Սննդանյութերը կարևոր դեր ունեն սրտի առողջության համար, ներառյալ սելենի և կոէնզիմ Q10-ի համադրությունը, որոնք, ինչպես հաստատվել է, նվազեցնում են մահացության վտանգը։
Սելենի օպտիմալ մակարդակը նվազեցնում է մի շարք հիվանդությունների զարգացման վտանգը
•Վահանաձև գեղձի աշխատանք– Սելենի ամենաբարձր խտությամբ առանձնացող հյուսվածքի՝ վահանաձև գեղձի կանոնավոր աշխատանքի համար շատ կարևոր է օրգանիզմում սելենի բավարար մակարդակը։
•Իմունային համակարգ– Իմունային համակարգին շատ անհրաժեշտ է սննդային սելենն ու սելենոպրոտեինների կենսաբանական ազդեցությունը։
•Վերարտադրողական առողջություն–Սելենի բավարար մակարդակն կարևոր է ինչպես տղամարդկանց, այնպես էլ կանանց վերարտադրողական առողջության համար։
Օրական 3 հատիկ բրազիլական ընկույզ
Ինչպես և մյուս սննդանյութերի դեպքում, սելենն ավելի լավ է ստանալ սննդի միջոցով, քանի որ այդպիսով այն ավելի կենսահասանելի է օրգանիզմի համար, իսկ հավելումների տեսքով ընդունելու դեպքում մեծ է ավելի մեծ չափաբաժին ընդունելու հավանականությունը։
Սելենի լավագույն սննդային աղբյուր է համարվում բրազիլական ընկույզը, որի մեկ հատիկը միջինը 70-ից 90 մկգ սելեն է պարունակում, և 2-3 այդպիսի ընկույզը կարող է լրացնել սելենի օրական պահանջը։
Պատրաստեց Մարինե ԱԼԵՔՍԱՆՅԱՆԸ
Աղբյուր՝ սննդաբան Ջոզեֆ Մարկոլա
